Umuhanzi w’Umurundi Niyomwungere waririmbye “Abantu” yishwe na Coronavirus

Umuhanzi w’Umurundi Niyomwungere Willy Leonard wamamaye mu ndirimbo “Abantu” yitabye Imana azize indwara ya COVID-19.

Ibitangazamakuru bitandukanye byo mu Burundi byanditse ko Niyomwungere Willy Leonard yaguye muri Malawi  ariko akaba yari asanzwe aba muri Canada.

Niyomwungere wari ufite imyaka 44 yageze muri Malawi tariki 28 Werurwe 2020 aturutse muri Canada.

Indwara ya COVID-19 imaze guhitana abasaga ibihumbi 100 ku Isi ni yo yambuye ubuzima uyu muhanzi wakunzwe mu ndirimbo zo mu njyana ya Reggae.

Zimwe mu ndirimbo zakunzwe za Leonard Niyomwungere harimo iyitwa “Abantu”, “Twarahemukiye Abasokuruza”, Abagabo Bararya Imbwa Zikishura” n’izindi.

Niyomwungere Willy Leonard yishwe na Coronavirus
Abantu ni indirimbo ya Niyomwungere Leonard yamenyekanye cyane

Share