Tom Close yafatanyije n’abahanzi 10 bo muri Afurika mu ndirimbo yo gushimira abanganga bita ku barwayi ba COVID-19

Umuhanzi w’umunyarwanda Tom Close afatanyije n’abandi 10 bo mu bihugu bitandukanye byo muri Afurika bakoze indirimbo yitwa “My White Army” igamije gushimira ubwitange bw’abakora mu nzego z’ubuzima muri ibi bye byo guhangana n’icyorezo cya COVID-19.

Kuva mu Ukuboza 2019 ku Isi yose abantu 6,400,055 bamaze kwandura indwara ya COVID-19 naho abagera ku 378,068 bo bamaze gupfa.

Mu Rwanda abagera kuri 377 nibo bamaze kwandura, hapfuye umuntu umwe, 262 barakize naho 114.

Kurwana n’icyorezo ni urugamba ruhuriweho n’inzego zitandukanye n’abaturage ariko by’umwihariko abakora mu nzego z’ubuzima barakora amanywa n’ijoro ngo barengere ubuzima bw’abatuye Isi.

Bamwe banduye icyorezo cya COVID-19 ndetse barapfa bari kugerageza kwita ku buzima bw’abarwayi.

Mu rwego rwo kubereka ko abantu bashima akazi bari gukora, umuyobozi w’umuryango wita ku buzima witwa Merck Foundation, akaba n’umwe mu banyafurika 100 bavuga rikijana ,Rasha Kelej, yahurihje hamwe abahanzi 11 bo muri Afurika bakora indirimbo yitwa “My White Army”.

Abo bahanzi ni umunyarwanda Tom Close usanzwe ari n’umuganga, A Pass w muri Uganda, Cwezi wo muri Ghana, Kambua wo muri Kenya,  Mahmoud Al Laithy wo mu Misiri,  Niki wo muri Nigeria,  Rozi wo  muri Siera Leone, Salatiel wo muri Cameroon,  Sean K wo muri Nigeria, Namibia Sunita wo muri  Gambia na Wezi wo muri  Zambia.

Tom Close aririmba igitero cye mu rurimi rw’igifaransa mu gihe abandi baririmba mu cyongereza n’icyarabu.

Mu buryo butandukanye bwo gushimira abaganga bari kwita ku bantu barwaye COVID-19 harimo no kubakomera amashyi.

Tariki 24 Mata 2020 I saa sita z’amanywa bafashe, abanyarwanda batandukanye bafashe umwanya bakomera amashyi abaganga n’abandi bari ku ruhembe rwo guhangana n’icyorezo cya COVID-19.

Tom Close ari mu bahanzi 11 baririmbye mu ndirimbo yo gushimira abaganga bari kwita ku barwaye COVID-19

MUVUNYI ARSENE

Share