Safi yagaragaje amarangamutima ye kuri Parfine bivugwa ko bongeye gukundana

Umuhanzi Safi  Madiba uba muri Canada yaciye amarenga ko yaba yarongeye gukundana na Parfine bakanyujije bakaza gutakundana agiye gukora ubukwe na Niyonizera Judithe.

Nyuma y’aho umuhanzi Safi Madiba agiriye muri Canada mu mpera za Gashyantare 2020, byavuzwe ko yongeye gukundana na Parfine ndetse bimuteranya n’umugore we basezeranye Niyonizera Judithe.

Hari ubutumwa bwagiye hanze bugaragaza ibiganiro bya Safi Madiba n’uwahoze ari umukunzi we bigaragaza ko urukundo rwano rwongeye rugashibuka.

Bidatinze Safi yatangaje ko yamaze gutandukana n’umugorewe Judithe Niyonizera ariko ntacyo yavuze ku rukundo rwe na Umutesi Parfine.

mu rukerera rwo kuri uyu wa Gatatu tariki 11 Ugushyingo ubwo Parfine yizihizaga isabukuru ye y’amavuko, Safi Madiba kwifata byamunaniye agaragaza ko akimufite ku mutima.

Ati ” Ugire isabukuru nziza mwamikazi w’izahabu.”

Ni ku nshuro ya mbere Safi ashyize ifoto ya Parfine ku mbuga nkoranyambaga ze kuva batandukana mu 2017.

Gukora ubukwe kwa Safi na Judithe byashenguye cyane umutima wa Parfine kugeza n’aho hasohotse amajwi ye ari gutuka uyu mugabo ngo wamuriye amafaranga atagira ingano amwizeza urukundo mu gihe cy’imyaka itatu bamaranye.

Safi nawe yaramusubije amubwira ko umugore ashatse ari mwiza, azubaka atari nka Parfine ukuze kandi washatse umugabo birenze inshuro imwe.

Iyo mba nyakunda sinari kukureka kuko urayafite, nashatse Judithe kuko duhuza, twumvikana, afite imyaka 28, nta mugabo ataye kandi ni mwiza azubaka”.

Mu kiganiro  Judithe Niyonizera aherutse kugirana n’itangazamakuru yavuze ko urugo rwe rutasenyutse nk’uko bivugwa ndetse ko nta kibazo na kimwe afitanye na Parfine.

Safi na Parfine bakanyujijeho mu rukundo

Share