Nyuma y’imyaka 20, Eddy Kenzo yabonye mushiki we batandukanye bakiba mu muhanda

Umuhanzi wo muri Uganda Eddy Kenzo yongeye guhura na mushiki we nyuma y’imyaka isaga 20 baherukanaga  bakiba mu muhanda.

Mu kiganiro Eddy Kenzo yagiranye na Televiziyo ya NBS ku wa Gatanu w’icyumweru gishize, yavuze ko yari amaze igihe kinini ashakisha mushiki we ariko yaramubuze.

Ubwo Eddy Kenzo na mukuru babaga ku muhanda biyemeje guha mushiki we undi mugore ngo amubarerere kuko atari kubasha kuba muri ubwo buzima.

Ati “Njyewe n’umuvandimwe wanjye twamuhaye umugore wari utuye muri Katwe kuko atari kubasha kuba mu muhanda nka twe.”

Uyu mugore wasigaranye na Mushiki wa Eddy Kenzo yaje kumuha undi, naho arahava bitewe n’uko bamufataga nabi.

Uyu muhanzi wigeze kwegukna igihembo cya BET Award 2015,  ubwo yari amaze kubona ubushobozi bwo kuba iwe yashakishije mushiki we ngo babane ariko aramubura burundu.

Mu minsi ishize nibwo Eddy Kenzo yaje guhamagarwa abirwa ko mushiki ubu ufite imyaka 26 yabonetse, gusa ngo yatunguwe n’uko yari asanzwe amugurira ibintu iyo yabaga ari mu gace ka Katwe.

Ati “Najyaga muguraho ibintu iyo nabaga ndi muri Katwe ntazi ko ari mushiki wanjye. Ubu ndanezerewe cyane.”

Eddy Kenzo avuka mu muryango w’abana batanu bahuje se.

Eddy Kenzo yongeye guhura na mushiki we nyuma y’imyaka 23 atazi amakuru ye
Eddy Kenzo na mukuru we bongeye guhura na mushiki wabo

Share