Amajonjora ya Miss Rwanda 2021 yasubitswe

Abategura irushanwa rya Miss Rwanda batangaje ko amajonjora yari ategangijwe gutangira muri iki cyumweru asubitswe mu rwego rwo kwirinda icyorezo cya COVID-19.

Ibi byatangajwe nyuma y’amabwiriza mashya yo kwirinda icyorezo cya COVID-19 aho ingendo hagati y’uturere zitemewe.

Ibi byahise bigira ingaruka ku majonjora y’irushanwa rya Miss Rwanda 2021 kuko abahatana bagomba kuva mu turere dutandukanye bagahurira ahantu hamwe.

Abategura iri rushanwa bashyize hanze itangazo bavuga babaye basubitse amajonjora yari kuzatangirira i Rubavu tariki 09 Mutarama 2021.

Muri iri tangazo bakanguriye abakobwa bafite ubushake, banujuje ibisabwa ko bakomeza kwiyandikisha, mu gihe bagitegereje kumenya ingengabihe nshya.

Muri uyu mwaka wa 2021 biteganyijwe ko hazatorwa umukobwa uzasimbura Nishimwe Naomie umaranye umwaka iri kamba.

Share