Zidane agiye kwirukanwa muri Real Madrid

0
1954
Zinedine Zidane mu nzira zisohoka muri Real Madrid

Amakuru ava mu buyobozi bw’ikipe ya Real Madrid yo mu gihugu cya Espagne, aratangaza ko perezida w’iyi kipe Florentino Perez atimishimiye namba imyitwarire y’umutoza Zinedine Zidane bishobora no ku muviramo kwirukanwa kuri uyu mwanya.

Perezida Perez akaba yatangaje ko yifuza umutoza w’umudage Joachim Low, uyu mutoza akaba asanzwe anatoza ikipe y’igihugu nkuru y’ubudage akaba akiyifitiye amasezerano azarangira mu mwaka w’i 2020.

Perez ati: ‘Zidane agomba kugenda’

Urunturuntu hagati y’ubuyobozi bwa Real Madrid n’umutoza Zidane rwaje nyuma yuko iyi kipe itari kwitwara neza, dore ko ubu irushwa na Barcelona bahora bahanganye amanota 19 ku rutonde rwa shampiyona ruyobowe n’ikipe ya FC Barcelona.

Ikinyamakuru Mundo Deportuvo cyandikirwa muri Espagne, kivuga ko perezida wa Real yifuza byihutirwa umutoza wasimbura Zidane muri uyu mwaka w’imikino 2018/2019.

Umutoza Low yatwaranye igikombe cy’isi n’Ubugade cya 2006 ni cya 2014, niwe ushobora gusimbura Zidane

Iki kinyamakuru gikomeza kivuga ko uretse Joachim Low wifuzwa bikomeye n’ubuyobozi bwa Real Madrid, hari n’abandi batoza banugwanugwa barimo Massimiliano Allegri, Mauricio Pochettino, Jurgen Klopp, Maurizio Sarri ndetse na Guti ngo babe basimbura Zidane.

Zinedine Zidane yahawe iyi kipe nk’umutoza mukuru mu mwaka wi 2016.

Yatoje imikino 125 aho 70% yayitsinze, uretse kuyitoza yanayibereye umukinnyi mu gihe kingana n’imyaka 6 aho yayifashije kwegukana ibikombe bitandukanye birimo ibya shampiyona ya La Liga ndetse n’ibikombe bikinwa n’amakipe yabaye ayambere iwayo bizwi cyane nka Champions League.

Umutoza Zidane yakoze amateka muri Real Madrid, yaba akiri umukinnyi ndetse ari n’umutoza