Umusaruro w’ubuhinzi n’ubworozi warazamutse mu Rwanda: Minisitiri w’intebe

0
372
Minisitiri w'intebe yatanze raporo imbere y'abashingamategeko imitwe yombi

Guverinoma y’u Rwanda yagaragaje ko icyemezo cyo kuzamura ingingo y’imari yakoreshwaga mu buhinzi ngo cyagize uruhare rukomeye mu kuzamura umusaruro mbumbe w’igihugu GDP, ku kigero cya 31% mu 2017 bivuye kuri 28% byariho mu 2010.

Ibi byemejwe na minisitiri w’intebe, Edouard Ngirente ubwo yari imbere y’abashingamategeko imitwe yombi, mu gitondo cyo kuri uyu wa kabiri, atanga ibisobanura kuri gahunda z’ubuhinzi n’ubworozi mu gihugu.

Yifashishije imibare y’ikigo k’igihugu gishinzwe guteza imbere iyoherezwa mu mahanga by’ibikomoka k’ubuhinzi n’ubworozi (NAEB) na Banki Nkuru y’Igihugu, agaragaza ko agaciro k’ibyo u Rwanda rwohereza mu mahanga kiyongereye mu 2017.

Ku ruhare rw’ubuhinzi mw’iterambere ry’inganda, ngo mu 2017 umusaruro mbumbe (GDP) uturuka mu rwego rw’inganda wabarirwaga kuri miliyari 1,198 Frw.

Bwana Ngirente yerekanye ko mu 2017 ngo umusaruro uturutse ku buhinzi n’ubworozi, wiyongereye ku kigereranyo cya 7% mu gihe wari kuri 4% muri 2016.

Mu mibare dore uko umusaruro w’ubuhinzi n’ubworozi wagiye uzamuka:

Mu bworozi (livestock and livestock products), umusaruro wiyongereye ku kigero cya 11%; Mu bihingwa ngandurarugo (food crops) wiyongereyeho 7%;

Mu bihingwa byoherezwa hanze (export crops) wiyongereyeho 2%.

Mu bworozi bw’amafi (fishing) wiyongereyeho 5%.

Umusaruro kuri Ha 1 hagati 2014 na 2017 wariyongereye: Umuceri wiyongereyeho 19% (wavuye kuri toni 3.0/ha ugera toni 3.6/ha); Ingano ni 17% (wavuye kuri toni 0.8/ha ugera toni 0.9/ha); Imyumbati ni 78% (wavuye kuri toni 1.5/ha ugera kuri toni 2.6/ha).

Mu kwihaza mu biribwa, hagati ya 2015 na 2017, hongerewe umusaruro w’ibikomoka k’ubuhinzi n’ubworozi:

Umuceri wiyongereyeho 33%, uva kuri toni 97,437 ugera kuri toni 130,055; . Ibirayi byiyongereyeho 17%, biva kuri toni 662,018 bigera kuri toni 776,722.

Ibishyimbo byiyongereyeho 7%, byavuye kuri toni 431,882 bigera kuri toni 460,239;

Imyumbati yiyongereyeho 13%, yavuye kuri toni 924,539 ikagera kuri toni 1,041,986.

Soya yiyongereyeho 12%, iva kuri toni 21,250 igera kuri toni 23,742;

Ingano ziyongereyeho 37%, zivuye kuri toni 7,996 zigera kuri toni 10,926;

Amata yiyongereyeho 17%, yavuye kuri toni 700,267 agera kuri toni 816,791;

Inyama ziyongereyeho 47%, zavuye kuri toni 103,281 zigera kuri toni 152,029;

Amafi yiyongereyeho 13%, avuye kuri toni 25,405 agera kuri toni 28,705;

Amagi yiyongereyeho 7%, yavuye kuri toni 6,973 agera kuri 7,475;

Naho ibigori byagabanutseho 3%, ni ukuvuga ko byavuye kuri toni 370,124 bikagera kuri toni 358,417. Byatewe n’icyorezo cya nkongwa.

Ibyoherezwa hanze byarazamutse

Agaciro k’ikawa kiyongereyeho 3%, kavuye kuri 62,040,000 z’amadolari y’abanyamerika (bihwanye na toni 18,793) mu 2015 kagera kuri 64,115,952 z’amadolari y’abanyamerika (bihwanye na toni 18,670) mu 2017.

Agaciro k’icyayi kiyongereyeho 14%, kavuye kuri 72,862,490 z’amadolari y’abanyamerika (bihwanye na toni 24,789) mu 2015 kagera kuri 84,265,962 z’amadolari y’abanyamerika (bihwanye na toni 26,242) mu 2017.

Agaciro k’ibireti kiyongereyeho 5%, kavuye kuri 2,522,503 z’amadolari y’abanyamerika (bihwanye na toni 14.5) mu 2015 kagera kuri 2,664,607 z’amadolari y’abanyamerika (bihwanye na toni 15.3) mu 2017.

Agaciro k’imboga n’imbuto kiyongereyeho 65%, kavuye kuri 6,446,418 z’amadolari y’abanyamerika (bihwanye na toni 23,441) mu 2015 kagera kuri 18,526,677 z’amadolari y’abanyamerika (bihwanye na toni 30,294) mu 2017;

Agaciro k’indabo mu 2017 kari 2,515,698 z’amadolari y’abanyamerika (bihwanye na toni 416) zivuye kuri toni 35 ($142,747) zo mu 2016 igihe kohereza indabo hanze byatangiraga.

Agaciro k’inyama kiyongereyeho 27%, kavuye kuri 14,790,450 z’amadolari y’abanyamerika (bihwanye na toni 3,958) mu 2015 kagera kuri 20,193,420 z’amadolari y’abanyamerika (bihwanye na toni 5,683) mu 2017.

Agaciro k’amatungo mazima kiyongereyeho 9%, kavuye kuri 23,720,096 z’amadolari y’abanyamerika mu 2015 kagera kuri 26,017,567 z’amadolari y’abanyamerika mu 2017.

Impu twohereje hanze zo zaragabanutseho -42% ni ukuvuga $ 10,352,932 (toni 8,267) mu 2015 zigera kuri $7,314,128 (bihwanye na toni 5,244) mu 2017. Ibi byatewe n’intambwe nziza mu gutunganya ibikomoka ku mpu igihugu cyacu cyateye mu myaka ibiri ishize.

Agaciro k’amata yoherezwa hanze kagabanutseho 7%, kavuye kuri 13,950,314 z’amadolari y’abanyamerika (bihwanye na toni 13,950) mu 2015 kagera kuri 13,060,624 z’amadolari y’abanyamerika (bihwanye na toni 11,252) mu 2017.