Umuhanzi Davido yakoze agashya ashyira hanze amafoto adasanzwe

0
2973
Davido ari gusomana n'umukunzi we

‘David Adedeji Adeleke’ Umuhanzi ukomeye muri Nigeria no ku mugabane w’Afurika yose muri rusanga uzwi cyane ku izina rya Davido yakoze agashya ashyira ahagaragara amafoto ari gusomana n’umukunzi we mu buryo budasanzwe.

Ni amafoto yasakaye ku mbuga nkoranyambaga Davido ari gusoma n’umukobwa bakundana ndetse amafoto akaba yari aherekejwe n’amagambo y’urukundo.

Davido yeruye yemeza ko akunda n’uyu mukobwa Chioma Avril

Ikindi ni uko uyu muhanzi yavuze ko abahungu benshi bakunda gutinya kwerekana iby’urukundo rwabo n’abakobwa baba bakundana, ariko kuri we ntabwo ari uko ateye.

Yagize: “Isabukuru nziza mukobwa muto! Uyu munsi ndetse n’ejo ntibisanzwe birahebuje”.

Dore uko yabigenje akoresheje urubuga rwe rwa twitter:

Davido kuri twitter ni uku yabigenje

Umukobwa bakundana yitwa Chioma Avril Rowland akaba asanzwe nawe ari umuhanzi wabigize umwuga muri Nigeria ariko ntabwo aramenyekana ku rwego mpuzamahanga.

Ni nyuma y’uko kandi mu minsi ishize uyu muhanzi yihakanye uyu mukobwa bivugwa ko bakundana ndetse ko bari bafite gahunda yo gukora ubukwe mu bihe bishize.

Mu kiganiro yigeze guha itangazamakuru ryo muri Nigeria yavuze ko uyu mukobwa bakundana ari inshuti ye ariko ntagahunda bafitanye yo gukora ubukwe.

Ubwo yari kuri radio yitwa Beat FM ivugira i Lagos, Davido yagize ati: “Ni umuntu (umukobwa) wanjye ariko nta gahunda z’ubukwe ziri hafi kuko muri iki gihe ndi gushakisha amafaranga nkaba umuherwe”.

Davido aherutse kwihakana uyu mukobwa ngo ntabwo bazarushinga vuba aha

Uyu muhanzi uherutse mu Rwanda mu kwezi kwa gatatu, akaba yarakoreye igitaramo muri parikingi ya Stade Amahoro, mu bitaramo by’uruhererekane yise ’30 Billion Africa Tour 2018’ ari gukorera hirya no hino muri Afurika.

Muri ibi bitaramo akora, Davido aririmba ahanini indirimbo zakunzwe yakoze mu 2017 n’inshyashya aheruka gutangiriraho uyu mwaka wa 2018.

Davido amaze iminsi aca ibintu mu ndirimbo ‘If’ ndetse ubu yayisubiranyemo na R. Kelly, anakunzwe bikomeye mu nshyashya za 2017 zirimo iyitwa ‘FIA’, ‘Fall’ n’izindi.

Reba imwe mu ndirimbo ze zakunzwe cyane mu bihe bishize: