U Rwanda rushyigikiye ubukungu bwisubiramo (Circular Economy) butangiza ibidukikije

0
95
Minisitiri w'ibidukikije niwe watangije ihuriro ry'ubukungu bwisubiramo

Kuri uyu wa kane, minisiteri y’ibidukikije ku bufatanye na minisiteri y’ubucuruzi n’inganda, ikigo gishinzwe kubungabunga ibidukikije (REMA) ndetse n’ikigega gitera inkunga imishinga y’ibidukikije, byatangije ihuriro ryo kurengera ubukungu bwisubiramo.

Ni ubukungu buzwi nka Circular Economy mu rurimi rw’icyongereza.   

Ubu ubukungu bukomeje gushyigikira n’amahanga ndetse na leta y’u Rwanda ikomeje gushyira imbaraga muri ubu bwoko bw’ubukungu butangiza ibidukikije.

Minisitiri w’ibidukikije, Dr Vincent Biruta avuga ko u Rwanda rwihuje n’ibindi bihugu bihuje icyerecyezo kimwe mu mugambi wo guteza imbere ubu bukungu, aribyo Afurika Yepfo ndetse na Nigeria, bikora ihuriro rimwe ryiswe African Circular Economy Alliance.   

Minisitiri Biruta asobanura ko ubukungu bwisubiramo rufite uruhare rukomeye mu guhanga imirimo mishya no kugira uruhare mu kuzamura ubukungu bw’ibihugu.

Kugeza ubu ngo abaturage barenga miliyoni 3.4 batunzwe n’imirimo ishamikiye ku bukungu bwisubiramo mu bihugu byo ku mugabane w’i Burayi.

Mu bihugu by’Afurika naho umubare w’abatunzwe n’iyi mirimo ukomeje kwiyongera.

By’umwahariko mu Rwanda ikigega gitera inkunga imishinga ifitanye isano n’ibidukikije (FONERWA) gifite intego gutera inkunga imishinga itandukanye harimo n’iyi ishamikiye ku bukungu bwisubiramo.

Siga igitekerezo

Please enter your comment!
Uzuza amazina yawe hano