Sarkozy wahoze ari perezida w’u Bufaransa yatawe muri yombi, azira Kadhafi

0
1931
Sarkozy na Khadafi bahoze ari incuti za hafi

Nicolas Sarkozy wigeze kuba perezida w’u Bufaransa yatawe muri yombi ngo akaba agomba kwiregura ku byaha ashijwa byo kuba amafaranga yakoresheje mu bikorwa byo kwiyamamaza ngo yarakuye kuri Muammar Kadhafi wahoze ari Perezida wa Libiya.

Igipolisi cyo mu Bufaransa kivuga ko kirimo gukora iperereza ku bivugwa ko yabonye aya mafaranga mu buryo butemewe n’amategeko, akayakoresha mu bikorwa byo kwiyamamaza mu matora yo mu 2007.

 

Amakuru aturuka mu nzego z’ubugenzacyaha mu Bufaransa yemeza ko Sarkozy yafatiwe ahitwa Nanterre, mu burengerazuba bw’umurwa mukuru Paris.

Mu 2013 Ubufaransa bwatangiye gukurikirana ibirego bivugwa kuri Sarkozy, ngo ko yahawe amafaranga na Kadhafi mu buryo butemewe n’amategeko mu 2013, ariko Bwana Sarkozy akaba yarakunze kubihakana yivuye inyuma.