Real Madrid yaje ku isonga mu makipe akize kurusha andi muri iki gihe: Ubushakashatsi

0
767
Ifoto: interineti

Ikipe y’umupira w’amaguru ya Real Madrid yo muri Esipanye, yahiritse Manchester United yo mu Bwongereza, ku mwanya wa mbere w’amakipe afite umutungo utubutse kurusha andi kuri iyi isi nkuko byemezwa n’abashakashatsi.

Ubushakashatsi bushya bw’ikigo KPMG cyo muri Esipanye, bwemeza ko Real Madrid yaje ku isonga mu makipe akize kurusha andi kuri iyi n’umutungo mbumbe wa €3.22bn (£2.91bn) ni ukuvuga 3,262,389,516,120.00 Frw.

Dore uko urutonde ruteye:

1.        Real Madrid – €3.224bn

2.        Manchester United – €3.207bn

3.        Bayern Munich – €2.696bn

4.        Barcelona – €2.676bn

5.        Manchester City – €2.460bn

6.        Chelsea – €2.227bn

7.        Liverpool – €2.095bn

8.        Arsenal – €2.008bn

9.        Tottenham – €1.697bn

10.      Juventus – €1.548bn

Abashakashatsi ba KPMG basobanura ko bakoze inyigo muri aya makipe kuva mu myaka ibiri ishize. Ni muri sezo (seasons) ya 2016-17 na 2017-18.

Bagendeye ku masoko aya makipe afite mubyo gusakaza amajwi n’amashusho (broadcasting rights), urukundo afitiwe n’abafana, agaciro k’ibibuga n’amasitade yazo ndetse n’ubushobozi bw’imikinire.