Real Madrid yahaye uburenganzira Christiano bwo kuyivamo

0
2222

Ikipe ya Real Madrid  yemereye kizigenza wabo Christiano Ronaldo kuyisohokamo nk’uko yabisabye, gusa haracyari ikibazo  cy’ikipe igomba kumwakira  hagati  ya Manchester United  na  Paris Saint Germais  kubera igiciro cye  gihanitse.

Ikipe ya Real Madrid iri mu bihe bibi byo kubura intsinzi kuko ubu ikipe ya FC Barcelona imaze kuyishyiramo ikinyuranyo cy’amanota 19 muri shampiyona.

Ibi bihe bibi kandi biri gukurikirwa n’umukinnyi w’igihange wabo Christiano Ronaldo uri kubasaba  kumurekura   akisubirira muri Manchester United.

Impuguke  y’umupira  w’amaguru  wo muri  Esipanye, Balague  yabwiye ikinyamakuru sky sports cyo mu Bwongereza ko uyu mukinnyi  yamaze kwemererwa  n’iyi kipe ko yakwigendera.

Yavuze ko iyi kipe ngo ishobora kuba irambiwe uyu mukinnyi uhora ayikangisha kugenda igihe cyose ikipe itari mu bihe byiza.

Kugeza ubu byavugwaga ko uyu mukinnyi ashobora gusubira mu ikipe ya Manchester United yahozemo, gusa Balague avuga ko bigoye kuko Manchester United nta bushake ifite bwo kugura uyu mukinnyi.

Indi kipe bivugwa ko imwifuza ni Paris Saint Germais yo mu Bufaransa.  Balague ariko yavuze ko aya makipe yose abangamiwe n’umushahara Ronaldo yifuza kuko ashaka miliyoni 44 z’amapawundi (£44m).

Kuva umwaka ushize Real Madrid ikimara gutwara igikombe cya Champions League cya 2 yikurikiranya, ibintu byari bitarakorwa n’indi kipe iyo ariyo yose bahise bemerera Ronaldo amasezerano mashyashya.

Gusa kugeza ubu ntabwo barayamuha kuko agikorera ku masezerano bagiranye mu kwezi kwa 11 mu mwaka wa 2016. Ibi bituma arushaho kongera uburakari asaba gusohoka muri Real Madrid.

Abasesenguzi bavuga ko Ronaldo atishimiye kuba mukeba we Lionel Messi amurusha guhembwa amafaranga menshi kuko ubu Messi ahembwa ibihumbi 500  by’amapawundi ku cyumwetu mu gihe  Ronaldo agihembwa  ibihumbi 365.