Patrick Vieira agiye gusimbura Arsene Wenger muri Arsenal

0
1776
Arsene Wenger na Patrick Vierra

Umufaransa wakiniye Arsenal igihe kitari gito ndetse akanayigiriramo ibihe byiza, Patrick Vieira wanayibereye kapiteni ayifasha kwegukana ibikombe binyuranye mu Bwongereza, iyi kipe ishobora kumusimbuza Arsene Wenger mu gihe cya vuba.

Patrick Vieira n’umwe mubafite amahirwe yo kuba yahabwa ikipe y’ Arsenal akayibera umutoza mukuru, agasimbura Wenger udakunzwe namba kubera umusaruro muke atanga muri iyi kipe y’i Londre.

Arsenal iheruka igikombe kubwa Vieira nabagenzi be muri 2004

Amakuru dukesha ibinyamakuru byandikira mu gihugu cyu Bwongereza, aravuga ko ikipe y’ Arsenal mu bantu yashyize imbere yifuza gusimbuza Arsene Wenger ko Vieira ari imbere ku buryo bihamya bidashidikanya iza ry’uyu mufaransa uzaza n’ubundi asimbura Wenger.

Ibi byaje nyuma y’uko Arsenal itagaragaye mu makipe byibura ane ya mbere, bakunze kwita (Big 4) ikaba isigaranye amahirwe mu irushanwa ry’amakipe yitwaye neza ku mugabane w’iburayi ya Europa League aho iri muri ½ yitegura kwesurana na Atletico Madrid yo muri Espagne.

Nyuma y’imyaka 22 Wenger azasimbuzwa kubera umusaruro mucye

Gusa ngo mu gihe Arsene Wenger yaba asimbujwe Patrick Vieira, ntabwo azirukanwa nkuko bitangazwa n’ibitangazamakuru bitandukanye, ashobora guhabwa umwe mu myanya y’icyubahiro muri iyi kipe.

Patrick Vieira w’imyaka 41 yabaye kapiteni w’ikipe y’Arsenal, ayifasha kwegukana ibikombe 3 bya shampiyona, ibikombe 3 bya FA Cup mbere yokwerekeza mu makipe nka Juve Intermillan ndetse na Manchester City aho yegukanye igikombe kimwe cya FA Cup mu mwaka wa 2011.

Vieira ubu ni umutoza w’ikipe ya New York City yo muri Leta zunze ubumwe z’ America, ikipe yagezemo mu mwaka 2016 nk’umutoza mukuru, iyi ikaba ari ikipe y’abaherwe bafite Manchester City yo mu Bwongereza.

Uyu mugabo yatangiye umwuga w’ubutoza muri 2013 atoza ikipe nto ya Man City