Jeff Bezos yongeye kuba umuherwe wa mbere ku isi, n’imari itaragirwa n’undi mu mateka

0
1462

Umunyamerika w’imyaka 54 y’amavuko, Jeff Bezos yesheje agahigo ko kuba umunyemari wa mbere ku isi ubashije gutunga miliyari zirenga 100 z’amadorali y’amerika ku giti cye.

Urutonde rushya rwakozwe n’ikinyamakuru Forbes Magazine rwerekanye ko uyu mugabo yongeye kuza ku isonga mu banyemari bose bo ku isi, ariko igitangaje kuri ubu, ni uko abarirwa amafaranga arenga miliyari $127.3, ibintu bibaye bwa mbere mu mateka.

Mu mwaka ushize nanone yari ku isonga mu bakize cyane kurusha abandi na miliyari zirenga $90,5 mu gihe uwo yari asimbuye ariwe Bill Gates yabarirwaga miliyari $90.

Uyu Bill Gates nawe yongeye kuza ku mwanya wa kabiri na miliyari zirenga $91.2 muri uyu mwaka wa 2018, ku mwanya wa gatatu haza Warren Buffett na miliyari $87.7, mu gihe uwa kane ari umufaransa Bernard Arnault na miliyari $75.

Ku mwanya wa gatanu hari bwana Mark Zuckerberg nyiri Facebook na miliyari $72.4.

Ntampinduka zikomeye zigaragara kuri uru rutonde rw’uyu mwaka ugereranije n’urwari rwasohotse umwaka ushize, kuko abashoramari bafite ibikorwa bifitanye isano n’ikoranabuhanga aribo bongeye kwiharira imyanya y’imbere nkuko bisanzwe.

Dore uko bakurikirana kuva kuwa 1 kugera kuwa 10:

1. Jeff Bezos, Amazon.com, USA – $112 Billion USD
2. Bill Gates, Microsoft, USA – $90 Billion USD
3. Warren Buffett, Berkshire Hathaway, USA – $84 Billion USD
4. Bernard Arnault & family, LVHM, France – $72 Billion USD
5. Mark Zuckerberg, Facebook, USA – $71 Billion USD
6. Amancio Ortega, Zara, Spain – $70 Billion USD
7. Carlos Slim Helu & family, Telecom, Mexico – $67.1 Billion USD
8. Charles Koch, Koch Industries, USA – $60 Billion USD
8. David Koch, Koch Industries, USA – $60 Billion USD
10. Larry Ellison, Software, USA – $58.5 Billion USD

Kanda hano urebe urutonde rurambuye ⇒ https://www.forbes.com/billionaires/list/#version:realtime