Impanuka z’indege zaragabanutse mu 2017

0
1157
Ifoto: net

Raporo nshya y’ubucuruzi bushingiye ku ngendo zo mu kirere irerekana ko umwaka ushize wa 2017 ngo wabaye mwiza cyane mu bucuruzi n’ubwikorezi bwo mu kirere ugereranije ni uko uwari wabanje wa 2016 wari wagenze.

Iyi raporo yashyizwe hanze n’urubuga rukurikirana umunsi ku munsi iby’ingendo z’indege rwitwa Aviation Safety Network, yerekana ko mu mwaka ushize wa 2017 nta mpanuka zikomeye zagaragaye nk’izari zabaye mu 2016.

Ivuga ko impanuka 10 zonyine zaguyemo abantu 79 ngo nizo zabaye mu 2017 ku isi hose, mu gihe mu mwaka ushize indege zirenga 16 zakoze impanuka zikangirika bikomeye maze abarenga 300 bagapfa mu 2016.

Ni mu gihe kandi abashakashatsi b’abadage bibumbiye mu itsinda rizwi nka To70 ku ruhande rwabo nabo bemeza ko mu mwaka ushize wa 2017 ngo habaye impanuka imwe gusa bita ko ikomeye ngo mu ngendo zirenga milliyoni 16 zakozwe ku isi.

Ubu bushakashatsi bwose buhuriza ku kintu kimwe cy’uko abafite amakompanyi n’amasosiyete akora ubucuruzi bw’ingendo z’indege ko ntabihombo bigeze bahura nabyo nko mu myaka yabanje, bitewe n’impanuka za hato na hato zo mu kirere.