APR na AS Kigali batsinze bakomeza kwiruka ku gikombe, Rayon Sports itsindirwa i Rusizi

0
512
APR FC na Rayon Sports mu kibuga. Ifoto: courtesy

APR FC na AS Kigali bari kurwanira igikombe cya shampiyona bose batsinze imikino yabo yo ku munsi wa 28, naho Rayon Sports yongera kunanirwa kwikura I Rusizi.

APR FC iri ku mwanya wa mbere yari yakiriye ikipe ya Etincelles FC kuri sitade Amahoro, umukino urangiye APR itsinze ibitego 2 ku busa.  Ibitego bya APR FC byatsinzwe na Hakizimana Muhadjir ndetse na Nsabimana Aimable.

AS Kigali ihanganiye igikombe na APR FC yo yakinaga na Mukura VS umukino urangira ku ntsinzi ya AS Kigali y’ibitego 2 ku busa byose byatsinzwe na Ngama Emmanuel wahoze akinira ikipe ya Mukura.

Ibi byatumye aya makipe yombi akomeza urugendo rwo kurwanira igikombe cya shampiyona kuko APR FC igikomeje kuba iya mbere n’amanota 60 naho AS Kigali ikaba iya kabiri n’amanota 57 mu gihe hasigaye imikino ibiri buri kipe ngo shampiyona irangire.

Hagati aho mu yindi mikino ikipe ya Rayon Sports yatsindiwe I Rusizi n’ikipe ya Espoir ibitego bibiri ku busa. Kirehe FC nayo yatsinze Bugesera FC ibitego 2 ku busa.

Gicumbi FC yatsinze Miroplast ibitego 2 ku busa naho Marines inganya n’Amagaju igitego kimwe kuri kimwe. Police FC nayo yatsinze Kiyovu Sports ibitego 2 kuri kimwe. Sunrise nayo yatsinzide iwayo I Nyagatare na Musanze FC ibitego 3 ku busa.