Ander Herera na kapitene wa Atletico bagiye gufungwa imyaka 2

0
1234

Ander Herera  ukina hagati mu ikipe ya Manchester United na Gaby Fernández kapitene wa Atletico Madrid bashobora gufungwa imyaka ibiri ndetse bakanahagarikwa mu mupira w’amaguru imyaka 6 nyuma yo kugaragaraho kugurisha umukino (fixing)

Iki kirego kiregwa aba bakinnyi cyatangiye gukorwaho iperereza n’umushinjacyaha, nyuma y’uko aba bakinyi bakurikiranweho kuba baragurishije umukino ubwo ikipe ya Levante yakinaga na Real Zaragoza mu mwaka wa 2011.

Gaby Fernández

Icyo gihe ikipe ya Levante ngo  yitsindishije ibitego  2 kuri kimwe, ku munsi wa nyuma wa shampiyona y’uwo mwaka  kugirango Zaragoza igume mu cyiciro cya mbere.

Umushinjacyaha uri gukurikirana iki kirego yemereye ikinyamakuru Marca cyo muri Esipanye, ko ubu amaze kubona ibimenyetso bihagije  ngo aba basore bagenzwe mu nkiko bahite bafatirwa ibihano bafungwe imyaka ibiri.

Gaby na Ander Herera  bari kureganwa na Leonardo Ponzio wa River Plate   na    Vicente Iborra ukinira Leicester City.

Bivugwa ko abakinnyi 9, barimo Herrera, Ponzio, Toni Doblas, Maurizio Lanzaro, Paulo Da Silva, Braulio Nobrega, Jorge Lopez  na  Carlos Diogo,  ndetse n’uwari umutoza    Javier Aguirre na Diregiteri w’imikino Antonio Prieto bahawe akayabo ka 965,000  by’amayero.